Hormak Diote

Hormek diote arte eta teknologia bidezko interakzioa batzen dituen esku-hartzea da. Bost hormatan, Donostian, Pasaian eta Errenterian.

Hormak, harresiak, gure egunerokotasunaren parte dira. Banatu, zedarritu, eutsi, oztopatu... egiten dute. Igo, jaitsi edo inguratu egin behar izaten ditugu eta, ia-ia oharkabean, egunero hartu emana dugu eraikuntza horiekin. Hormek diote proiektuak harreman horri begiratzeko modu berri bat margotu nahi du eta, horretarako, ziurrenik, guztietan den eta arte-adierazpenik antzinakoena eta era berean kaletar eta garaikideena aukeratu da: horma-irud’a. Hormek Diote egitasmoak, paretak bizikidetza-ikur bihurtu nahi ditu, gero eta harresi gehiago eraikitzen den garaiotan.

Hormetan gauztuko diren lanak bertako artistek zein atzerrikoek egingo dituzte: Mentalgassik, Judas Arrietak, Harsak, Jenni Karna-Escalantek, Ismael Iglesiasek, Igor Rezolak, Hormachic kolektiboak, Iñigo Salaberria, Elurmaluta kolektiboa, Haatik dantza taldeak edota Las Chicas de Pasaik-ek.

Hormak 2015eko udazkenean margotu zituzten, eta 2016an berriro ere beste arte adierazpen batzuen (dantza, zinema...) lekuko izango dira.

'Hormek diote' Ereitenek Donostia 2016ko Bakearen itsasargiarentzat koordinatutako proiektu bat da.