Martxoaren 12an, goizeko 10:00tatik 13:00ra Judas Arrieta artistaren eskutik Planetak Dantzan tiza jolas tailerra izango da haurrentzat.
Aire librean egingo den ekimen honetan, haurrek, elkarlanean, kultur aniztasun eta ezberdinatsunaren balioaren inguruko klarion murala eta jolasa egingo dute.
Martxoaren 9an, asteazkena, ‘Arteak kale egiten duenean ’hitzaldia eskainiko du Xabier Gantzarainek.
Martxoaren 5ean, Tabakaleran, hormak zine-pantaila bihurtuko dira Horma/Pantaila egitasmoari esker. Hormek Diotek, Las Chicas de Pasaik kolektiboari (Maria Elorza eta Maider Fernandez) eta Iñigo Salaberria artistei bideo-mural bana egiteko enkargua luzatu zien. Enkargu horren emaitza ikusi ahal izango da primizian, BLU grafitigilearen film laburrarekin batera. Proiekzioa 18.00tan hasiko da.
BYG artista kolektiboak, Kontadores grafiti-taldearekin elkarlanean, Papiromancias izeneko tailerra eskainiko du martxoaren 4ean. Kontadores kultur zentroan burutuko da 17:30ak eta 20:30ak bitartean.